काठमाडौँ । नेकपा एमाले अध्यक्ष केपी शर्मा ओलीकी धर्मपत्नी राधिका शाक्यले जेनजी आन्दोलनका क्रममा आगजनी गरिएको बालकोटस्थित आफ्नो घरको अवलोकन गरेकी छन् ।
शनिबार शाक्यले नयाँ पुस्तालाई यो घर संग्रहालयको रूपमा छोडेर जाने विचार भए पनि अब खरानी छोडेर जानुपरेको बताइन् ।
जलेका पुस्तकका खरानीको टीका लगाउँदै आफूले यहाँ पुस्तकहरू जतन गरेर राख्ने गरेको,अध्यक्ष ओलीलाई देश विदेशबाट दिइएका सम्मानपत्र तथा बहुमल्य वस्तुहरू समेत संग्रहालयको रूपमा सजाएर राखिएको बताइन् ।
‘मलाई यो घर व्यवस्थापन गर्न छ महिना लागेको थियो,' उनले भनिन्, ‘एउटा कोठामा स्वदेशबाट प्राप्त सम्मान पत्र तथा मायाको चिनो र अर्को कोठामा चाइना,कम्बोडिया,भारत,भियतनाम,जापानलगायत देशका प्रधानमन्त्रीहरूले दिएका अमूल्य सामानहरू दराजहरूमा थिए ।’
‘मलाई यो घर व्यवस्थापन गर्न छ महिना लागेको थियो,' उनले भनिन्, ‘एउटा कोठामा स्वदेशबाट प्राप्त सम्मान पत्र तथा मायाको चिनो र अर्को कोठामा चाइना,कम्बोडिया,भारत,भियतनाम,जापानलगायत देशका प्रधानमन्त्रीहरूले दिएका अमूल्य सामानहरू दराजहरूमा थिए ।’
शाक्यले घर फेरि बनाउन सकिए पनि इतिहास फेरि बनाउन नसकिने बताइन् ।
जेनजी आन्दोलनका बालकोटस्थित अध्यक्ष ओलीका दुवै घर खरानी भएर जलेका थिए ।
