रास्वपा सचिवालय बैठकले टुंगो लगायो समानुपातिक सांसदको ५७ सदस्यीय सूची

०१ चैत,काठमाडौं -राष्ट्रिय स्वतन्त्र पार्टी (रास्वपा)ले समानुपातिक प्रणालीबाट सांसद बन्ने ५७ जनाको नाम टुंगो लगाएको छ। पार्टीको आज बसेको सचिवालय बैठकले ४८ महिला र ९ पुरुषको सूची फाइनल गरेको प्रवक्ता मनिष झाले जानकारी दिए।

झाका अनुसार जातीय–सामुदायिक आधारमा टुंगिएका सांसदहरू यसप्रकार छन्:

• खासआर्य: १७

• आदिवासी जनजाति: १६

• मधेशी: ९

• दलित: ८

• थारु: ४

• मुस्लिम: ३

तर, कुन व्यक्ति कुन क्लस्टरबाट परेको भन्ने विवरण रास्वपाले अहिलेसम्म सार्वजनिक गरेको छैन। प्रवक्ता झाले बताएअनुसार, निर्वाचन आयोगले नामावली अनुमोदन गरेपछि मात्रै व्यक्तिगत नाम सार्वजनिक हुनेछ।