हर्कको कारबाहीपछि प्रचण्डको पार्टीमा डा. मित्र परियारको इन्ट्री

नेकपाका संयोजक पुष्पकमल दाहाल ‘प्रचण्ड’ले आइतबार बिहान आफ्नै हात्तीवनस्थित निवासमा परियारलाई पार्टी प्रवेश गराएका हुन्।

केही दिनअघि बुटवलमा आयोजित सभामा परियारले दिएको अभद्र अभिव्यक्ति र पार्टीका जिल्ला सहसंयोजक केशव न्यौपानेलाई लक्षित गर्दै गरेको आपत्तिजनक तथा अपमानजनक गालीगलौजपछि श्रम संस्कृति पार्टीका अध्यक्ष हर्क साम्पाङले उनलाई उपाध्यक्ष पदबाट निलम्बन गरेका थिए।

निलम्बनको निर्णयपछि परियारले नयाँ राजनीतिक आश्रय खोज्दै नेकपाको बाटो समातेका हुन्।