बालेन सरकार जनविरोधी दिशातर्फ गएको माधव नेपालको आरोप

वैशाख १८ काठमाडौँ,

पूर्वप्रधानमन्त्री तथा नेपाली कम्युनिस्ट पार्टीका सहसंयोजक माधव नेपालले बालेन शाह नेतृत्वको महानगर सरकारले जनताको अधिकारमाथि हस्तक्षेप गरेको आरोप लगाएका छन् ।

अन्तर्राष्ट्रिय मजदुर दिवसको अवसरमा आयोजित कार्यक्रममा बोल्दै उनले वास्तविक सुकुमबासीको पहिचान नगरी र वैकल्पिक व्यवस्था बिना डोजर चलाइएकोप्रति आपत्ति जनाए ।

उनका अनुसार सुकुमबासीको सही पहिचान नगरी तथा पुनर्वासको विकल्प नदिई गरिने कारबाहीलाई जायज मान्न सकिँदैन र यस्ता कदमहरू जनविरोधी हुने बताए । उनले अहिलेको सरकारले क्रमशः जनहित विपरीत काम गरिरहेको संकेत देखिएको भन्दै सचेत हुन आग्रह गरे ।

यद्यपि उनले तत्कालै आरोप लगाउने पक्षमा आफूहरू नरहेको र सरकारलाई अझै मौका दिनुपर्ने तर जनविरोधी गतिविधि नगर्न सुझाव दिनुपर्ने धारणा पनि राखे ।