४ पुष, काठमाडौं - केन्द्रीय अनुसन्धान ब्युरो (CIB) ले सेयर व्यवसायी दीपेन्द्र अग्रवाललाई काठमाडौंको चुनदेवीबाट पक्राउ गरेको छ। उनलाई नेपाल धितोपत्र बोर्डको उजुरी र प्रारम्भिक प्रतिवेदनको आधारमा पक्राउ गरिएको हो।
बोर्डको जाँचअनुसार अग्रवालले जोशी हाइड्रोपावर र कर्पोरेट डेभलपमेन्ट बैंकका सेयरमा झूटा विवरण र कृत्रिम कारोबारमार्फत कुल ४९ लाख १९ हजार ८६५ रुपैयाँ अवैध नाफा कमाएको आरोप छ। उनले आपसी खरिदबिक्री र आफन्त संस्थाबीच वास्तविक स्वामित्व नबदलिने गरी सेयर कारोबार गरेका थिए।
अग्रवाल यसअघि पनि ठगीको आरोपमा पक्राउ भइसकेका छन्।
19 December 2025
