ट्रम्पको धम्की : बगराम एयरबेस फिर्ता नदिए अफगानिस्तानले भयानक परिणाम भोग्नुपर्ने

आइतबार ट्रम्पले ट्रुथ सोशल मा लेखेका छन्, ‘यदि अफगानिस्तान बगराम एयरबेस उसको निर्माता अर्थात अमेरिकालाई फिर्ता दिँदैन भने, त्यो निकै भयानक हुनेछ ।’

यसअघि पनि ट्रम्पले बगराम एयरबेस कब्जा गर्ने मनसाय व्यक्त गरेका थिए । केही दिनअघि बेलायत यात्राका क्रममा उनले सरकार अफगानिस्तानमा बगराम एयरबेसलाई फेरि प्राप्त गर्ने कोशिशमा रहेको बताएका थिए ।

उनको उक्त अभिव्यक्तिमा तालिबानले भनेको थियो, ‘इतिहास साक्षी छ, कुनै विदेशी शक्तिलाई हाम्रो जमिनमा कहिल्यै स्वीकार गरिएको थिएन ।’